Meri Masoom Ferozi, Meri Mabooda E Jaan...
Mil Gaya Hai Mujhe Maktoob E Muhabbat Ka Jawaab
Uss Kay Andaaz E Nigaarish Sey Pareshaan Hoon Main
Wehshat Afza Hai Meray Wastay Asloob E Khitaab
Dekhna They Mujhe Sharmaye Huwey Kuch Jumley
Yeh Ahadees O Riwayaat Nahin Sun'na Theen
Dekhna Tha Mujhe Ek Jazba E Kaamil Tum Mein
Mujhko Quraan Ki Ayaat Nahin Sun'na Theen
Tum Nay Likha Hai K Tum Bhai Samjhti Ho Mujhe
Aab E Zam Zam Sey Kero Pur Na Jawaani Ka Ayaagh
Tum Ney Likha Hai K Pakeeza Muhabbat Hai Mujhe
Shamma E Kaaba Se Jalao Na Meri Shab Ka Chiraagh
Tum Ager Bhai Samajhti Ho To Yeh Bhi Likhoo
Bhai Kay Khat Bhi Chup Chup Kay Parha Kartay Hain?
Tum Agar Bhai Samjhti Ho To Yeh Bhi Batlaao..
Bhai Ka Naam Bhi Sharmaa Kay Liya Kartay Hain?
Main Nay Samjha Tha MayNaab E Takhayyul Tum Ko
Ab Yeh Taqdees E Takhhayyul To Barri Mushkil Hai..
Aao Main Tumko Batlaaon Kay Muhabbat Kiya Hai..
Hasrat E Larzish E Bay Jaa Ka Mukammal Ehsaas
Mard O Aurat Mein Meri Hoor Teray Sir Ki Kasam
Rishta E Aadam O Hawwa Kay Siwa Kuch Bhi Nahin...

---------------------------------------------------------------------------

yun to apne qasidaan e dil k paas
janay kis kis k liye pegham hain
jo likhey jatay rahay auron k naam
meray woh khat bhi tumhare naam hain


yeh tere khat, teri khushbu, ye tere khawab o khayal
mata e jaan hain tere qaul aur qasam ki tarah
guzashta saal inhain maine gin k rakha tha
kisi gharib ki jori huwi raqam ki tarah


kitney zalim hain, jo ye kehtey hain
tour lo phool, koi choray matt
baaghbaan hum to is khayal k hain
dekh lo phool, phool touro matt


hai muhabbat hayat ki lazzat
warna kuch lazzat e hayat nahin
kya ijaazat hai, ik baat kahoon
woh, magar khair, koi baat nahin


kisi libas ki khushbu jab urr k aati hai
tere badan ki judai bohot satati hai
tere ghulab tarastey hain teri khushbu ko
teri safaid chambeli tujhe bulati hai
tere baghair mujhe chain kaisay parta hai
mere baghair tujhe neend kaisay aati hai

--------------------------------------------------------------------------------------

Umer guzre gi imtihaan mai kya?
Daag hi mile gay mujhe daan mai kya?

Bolte kyun nahi mere haq mai,
Ablay par gay zuban mai kya?

Meri her baat bay-asar hi rahi,
Nuks hai kuch mere biyaan mai kya?

Yun jo takta hai asmaan ko tu,
Koi rehta bhi hai asmaan mai kya?

ye mujhe chain kyun anhi parta,
Ek hi shaks tha jahaan mai kya.

--------------------------------------------------------------------------------------

Apne sab yaar kaam kar rahe hain,
Aur hum hain ke naam kar rahe hain,
Tegh-baazi ka shauq apni jagah,
Aap to qatl-e-aam kar rahe hain,
Daad-o-tehseen ka yeh shor hai kyun,
Hum to khud se kalaam kar rahe hain,
Hum hain masroof-e-intizaam magar,
Jaane kya intizaam kar rahe hain,
Hai woh bechaargi ka haal ke hum,
Har kisi ko salaam kar rahe hain,
Aik qataala chahiye hum ko,
Hum yeh elaan-e-aam kar rahe hain,
Na uthe aah ka dhuaan bhi ke woh,
Ku-e-dil main khiraam kar rahe hain,
Us ke honton pe rakh ke hont apne,
Baat hi hum tamaam kar rahe hain,
Hum ajab hain ke us ke kuchay main,
Be-sabab dhoom-dhaam kar rahe hain..

----------------------------------------------------------------------------------------------

Yeh gham kya dil ki aadat hai? nahin to!
Kisi se kuch shikayat hai? nahin to!
Hai woh aik khawb-e- be-tabeer us ko,
Bhula dene ki niyat hai? nahin to!
Kisi ke bin, kisi ki yaad ke bin,
Jiye jaane ki himmat hai? nahin to!
Kisi surat bhi dil lagta nahin.
Haan, to kuch din se yeh halat hai? nahin to!
Tere is haal per hai sab ko hairat,
Tujhe bhi iss pe hairat hai? nahin to!
Hum-aahngi nahin duniya se teri,
Tujhe iss per nidaamat hai? nahin to!
Aziyat-naak umeedon se tujh ko,
Amaa’n paane ki hassrat hai? nahin to!
Tu rehta hai khayal-o-khawb main gum,
To iss ki wajah furssat hai? nahin to!
Wahan walon se itni mohabbat,
Yahan walon se nafrat hai? nahin to!
Sabbab jo is judaayi ka bana hai,
Woh mujh se khoobsurat hai? nahin to!

 ----------------------------------------------------------------------------------------------

Har baar mere samne aati rahi ho tum,
Har baar tum se mil ke bicharta raha hon main,
Tum kaun ho yeh khud bhi anhin janti ho tum,
Main kaun hoon yeh khud bhi nahin janta hon main,
Tum mujh ko jaan kar hi parri ho azaab main,
Aur iss tarah khud apni saza ban geya hoon main,
Tum jis zameen par ho main us ka khuda nahin,
Pass sar-ba-sar aziyat o aazaar hi raho,
Bezaar ho gayi ho bohat zindagi se tum,
Jab bass main kuch nahin to bezaar hi raho,
Tum ko yahan ke saaya o partau se kya gharazz,
Tum apne haq main beech ki dewaar hi raho,
Main ibtidaa se ishq se be-mehr hi raha,
Tum intihaa-e-ishq ka meyaar hi raho,
Tum khoon thookti ho yeh sun kar khushi huyi,
Iss rang is adaa mai bhi purkaar hi raho,
Main ne yeh kab kaha tha mohabbat main hai nijaat,
Main ne yeh kab kaha tha wafadaar hi raho,
Apni mata-e-naaz lutaa kar mere liye,
Bazar-e-iltifaat main nadaar hi raho,
Jab main tumhen nishaat-e-mohabbat na de saka,
Gham main kabhi sukuun-e-rifaaqat na de saka,
Jab mere sab charaagh-e-tamanna havaa ke hain,
Jab mere saarey khawb kisi bewafaa ke hain,
Phir mujh ko chaahne ka tumhe koi haq nahin,
Tanhaa karaahne ka tumhen koi haq nahin..


 ----------------------------------------------------------------------------------------------

Mera ik mashwraa hai iltijaa nahin,
Tu mere paas se is waqt jaa nayeen,
Koi dum chain parr jata mujhe,
Magar main tujh se dum bhar ko juda nayeen,
Safar darpesh hai aik be-masaafat,
Masaafat ho to koi faasla nayeen,
Mohabbat kuch na this juz bad-hawaasi,
Ke woh band-e-qabaa hum se khulaa nayeen,
Chalaaye teer to kis kis ne lekin,
Mera qaatil koi tere siwaa nayeen,
Bicharr kar jaan tere aastaan se,
Lagaya jee bohat pr jee laga nayeen,
Hamara aik hi to mudaa.aa tha,
Hamara aur koi mudaa.aa nayeen,
Kabhi khud se mukkar jaane me kya hai,
Main dastaawaiz pr likha hua nayee,
Yahin sab kuch tha jis dum woh yahan tha,
Chale jaane se us ke jaane kya nayeen,
Woh hijr o vasl tha sab khawb dar khawb,
Woh saara maajraa jo tha, woh tha nayeen,
Judaayi apni be-rudaad si thi,
Ke main roya na tha, aur phir hansa nayeen..


 ----------------------------------------------------------------------------------------------

Umar guzre gi imtihaan main kya,
Daagh hi do ge daan main kya,
Khamoshi keh rahi hai kaan main kya,
Aa raha hai mere gumaan main kya,
Ab koi mujh ko tokta bhi nahin,
Yehi hota hai khaandaan main kya,
Bolte kyun nahin mere haq main,
Aable parr gaye zabaan main kya,
Meri har baat be-assar hi rahi,
Nuqss hai kuch mere beyaan main kya,
Woh mile to yeh poochna hai mujhe,
Ab bhi hoon main teri amaan main kya,
Yeh mujhe chain kyun nahin parrta,
Aik hi shakss tha jahaan main kya..

 ----------------------------------------------------------------------------------------------


 ----------------------------------------------------------------------------------------------



 ----------------------------------------------------------------------------------------------


Ab woh ghar tak viraana tha bas viraana zinda tha,
Sab aankhen damm torr chuki theen aur main tanha zinda tha,
Saari galli sunsaan parri thi baad-e-fana ke pehre main,
Hijr ke dalaan aur aangan main bass ik saaya zinda tha,
Woh dopeher apni rukhsat ki aisa waisa dhoka thi,
Apne andar apni laash uthaaye main jhuuta zinda tha,
Theen woh ghar raaten bhi kahaani vaade aur phir din ginn’na,
Aana tha jaane wale ko jaane wala zinda tha,
Dasstak dene waale bhi they dastak sunn’ne waale bhi,
Thaa abaad mohallah saara har darwaaza zinda tha,
Peele patton ko seh-pehr ki vehshat pursaa deti thi,
Aangan main ik aundhe gharre par bass ik kavva zinda tha.
 ----------------------------------------------------------------------------------------------

Ajab Ek Shor Sa Barpa Hai Kahin.. Koi Khamosh Ho Gaya Hai Kahin
Hai Kuch Aesa Kay Jaisay Yeh Sab Kuch
AB Sey Pehlay Bhi Ho Chuka Hai Kahin
Jo Yahan Sey Kahin Naa Jaata Tha
Woh Yahan Sey Chala Gaya Hai Kahin
Tujh Ko Kiya Ho Gaya Kay Cheezon Ko
Kahin Rakhta Hai Dhondhta Hai Kahin
Tu Mujhay Dhoondh, Main Tujhay Dhondhoon
Koi Hum Mein Sey Reh Gaya Hai Kahin
Is Kamray Sey Ho Kay Koi Wida
Is Kamray Mein Chup Gaya Hai Kahin

Yaaron Naga Yaar Ko,Yaaron Sey Gila Hai..
Khooni Jiggron, Seena Fagaroun Sey Gila Hai..
Jaan Sey Bhi Gaye, Baat Bhi Jaanan Ki Na Samjhi..
Jaana Ko Bohot Ishq Kay Maaron Sey Gila Hai..
Ab Wasal Ho Ya Hijr, Na Ab Tak Basar Aya..
Ek Lamha, Jisay Lamha Shumaroun Sey Gila Hai..
Urti Hai Her Ek Shour Kay Seenay Sey Khaamshi..
Sehraoun Per Shaur, Dareyaon Sey Gila Hai..
Bekaar Ki Ek Kaar Guzari Kay Hisaaboun..
Bay-Kaar Hoon Aur Kaar Guzaari Sey Gila Hai..
Bey Fasal Ishaaroun Sey Huwa Khoon-E-Junoon Ka..
Un Shokh Nigaahon Key Ishaaron Sey Gila Hai..

Aish E Umeed Hi Se Khatra Hai..
Dil Ko Ab Dil Dahi Se Khatra Hai..

Hai Kuch Aisa Kay Uski Jalwat Mein..
Hamein Apni Kami Se Khatra Hai..

Jis Ki Aghosh Ka Hoon Deewana..
Us Ki Aghosh Hi Sey Khatra Hai..

Yaad Ki Dhoop To Hai Rouz Ki Baat..
Han Mujhe Chandani Sey Khatra Hai..

Hai Ajab Kuch Muamla Dar-Paish..
Aqel Ko Aaga'ahi Sey Khatra Hai..

Sheher E Ghaddar Jaan Ley Kay Tujhe..
Aik Amroohi Sey Khatra Hai..

Main Kahoon Kis Tarhan Yeh Baat Us Sey..
Tujh Ko Janam Mujhi Sey Khatra Hai..

Aaj Bhi Aye Kanaar E Baan Mujhe
Teri Ik Sanwali Sey Khatra Hai..

In Laboun Ka Lahoo Na Pee Jaon..
Apni Tishna Labi Sey Khatra Hai..

Jaun! Hee To Hai Jaun Kay Darpay..
Meer Ko Meer Hi Sey Khatra Hai..

Ab Nahin Baat Koi Khatray Ki..
In Sabhi Ko Sabhi Sey Khatra Hai..