Aish E Umeed Hi Se Khatra Hai..

Aish E Umeed Hi Se Khatra Hai..
Dil Ko Ab Dil Dahi Se Khatra Hai..

Hai Kuch Aisa Kay Uski Jalwat Mein..
Hamein Apni Kami Se Khatra Hai..

Jis Ki Aghosh Ka Hoon Deewana..
Us Ki Aghosh Hi Sey Khatra Hai..

Yaad Ki Dhoop To Hai Rouz Ki Baat..
Han Mujhe Chandani Sey Khatra Hai..

Hai Ajab Kuch Muamla Dar-Paish..
Aqel Ko Aaga'ahi Sey Khatra Hai..

Sheher E Ghaddar Jaan Ley Kay Tujhe..
Aik Amroohi Sey Khatra Hai..

Main Kahoon Kis Tarhan Yeh Baat Us Sey..
Tujh Ko Janam Mujhi Sey Khatra Hai..

Aaj Bhi Aye Kanaar E Baan Mujhe
Teri Ik Sanwali Sey Khatra Hai..

In Laboun Ka Lahoo Na Pee Jaon..
Apni Tishna Labi Sey Khatra Hai..

Jaun! Hee To Hai Jaun Kay Darpay..
Meer Ko Meer Hi Sey Khatra Hai..

Ab Nahin Baat Koi Khatray Ki..
In Sabhi Ko Sabhi Sey Khatra Hai..